2026 жылға арналған Компания көлемі бір миллиард теңгеден асатын ауқымды инвестициялық бағдарламаны жүзеге асырды. Бағдарлама тау-кен көлік кешенін кеңейтуге және күшейтуге бағытталды. Инвестициялардың негізгі мақсаты – жабдықтардың техникалық дайындық коэффициентін жоғары деңгейде сақтау және өндіру көлемінің тұрақты өсуін қамтамасыз ету. Бағдарлама аясында үш карьерлік автосамосвал, бір экскаватор, бір бұрғылау станогы және бір жанармай тасымалдаушы көлік сатып алынды.

«Соңғы жылдары өндірістік бағдарламаның ұлғаюы қолданыстағы техника паркіне түсетін жүктеменің артуына әкелді. Қарқынды жұмыс режимі жабдықтардың тозу және жоспардан тыс тоқтап қалу тәуекелдерін объективті түрде күшейтеді. Техника паркін кеңейту өндірістік жүктемені қайта бөлуге, жоспарлы жөндеу кезеңіне резерв қалыптастыруға және ықтимал техникалық ақаулардың жалпы өндіру цикліне әсерін төмендетуге мүмкіндік берді. Бұл өндірістік көрсеткіштердің болжамдылығын арттырып, ауысымдық және айлық жоспарлардың тұрақты орындалуын қамтамасыз етті», — деп хабарлады компания өкілдері.

Қосымша жанармай тасымалдаушы техниканың алынуы ерекше маңызға ие болды. Өндірістік учаскелерде техниканы жедел жанармаймен қамтамасыз ету мүмкіндігі ауысым ішіндегі бос тұрып қалу уақытын қысқартып, жабдықтардың нақты пайдалы жұмыс уақытын арттыруға жол ашты. Нәтижесінде, тау-кен жұмыстары көлемі артқан жағдайда да техникалық дайындықтың жоғары деңгейі сақталуда.

Техника паркін кеңейту өндірістік үдерістің барлық негізгі кезеңдерін - бұрғылау, тиеу және тау жынысын тасымалдау жұмыстарын күшейтті. Көлік буынының өткізу қабілеті артты, блоктарды игеруге дайындау үдерісі жеделдеді, тиеу мен түсіру кезіндегі кезектер қысқарды. Бұл технологиялық тізбектегі «тар орындардың» туындау қаупін азайтып, бөлімшелер жұмысының үйлесімділігін қамтамасыз етті.

Тау-кен жұмыстарының құрылымын және көлік иінінің күшеюін ескере отырып, өндіру және тау массасын жылжыту көлемінің болжамды өсімі тиімді ұйымдастыру сақталған жағдайда 15–25 пайыз деңгейінде бағалануда. Осылайша, инвестициялар кәсіпорынның өндірістік қуатын арттырып қана қоймай, оның әрі қарай тұрақты дамуына берік негіз қалады.

Бағдарламаны жүзеге асыру кеніштің өндірістік әлеуетін нығайту жолындағы стратегиялық қадам болды. Компания өндіру көлемін тұрақты арттыруға негіз қалыптастырып, үдерістерді басқару икемділігін күшейтті және ұзақ мерзімді даму үшін сенімді техникалық база жасақтады. Арнайы техника паркін кеңейту жай ғана активтерді көбейту емес, кәсіпорынды жүйелі жаңғырту мен бәсекеге қабілеттілікті арттырудың маңызды кезеңіне айналды.