Біздің компания жаңа жыл қарсаңында Тараз қаласында орналасқан «Үміт» балалар үйінің бүлдіршін құттықтады.
Бұл мекеме ата-анасының қамқорлығынсыз қалған жетім балаларды, сондай-ақ ақыл-ой және дене бітімі кемістігі бар балаларды тәрбиелеуге және оларға көмек көрсетуге арналған.
Балалар үйінде балаларды тәрбиелеу, туғаннан бастап 5 жасқа дейінгі балалардың жан-жақты дамуын қамтамасыз ету үшін қолайлы жағдайлар жасалған. Қазіргі уақытта «Үміт» балалар үйінде 40-қа жуық бала тәрбиеленуде, өткен жылмен салыстырғанда балалар санының екі есе азайғаны қуантады.
«Біздің компания үшін жаңа жыл мерекесі қарсаңында, Халықаралық балаларды қорғау күні және Наурыз мерекесінде балаларға сыйлықтармен келу дәстүрге айналды. Жаңа жыл - балалар асыға күтетін сиқырлы мереке. Біз жыл сайын мерекелік атмосфераны құруға қатысқанымыз үшін өте қуаныштымыз", – дейді «Golden Compass Capital» АҚ өкілі Асылгүл Оспанова.
Тәрбиеленушілерге әр баланың есімі жазылған атаулы қораптар, сапалы кітаптар, білім беретін ойыншықтар, көпке дейін жететін тәттілер табыс етілді.
«Golden Compass Capital» АҚ компаниясының жыл сайын балаларға көңіл бөлетініне, қайырымдылық акцияларына қатысатынына және кез келген мекеме өтініштеріне бей-жай қарамайтындығына ерекше алғысымызды білдіреміз. Кәсіпорынның өркендеуіне толағай табыс тілейміз», – деді «Үміт» мамандандырылған балалар үйінің директоры-бас дәрігері Гүлмира Құлмағамбетова.
