12.07.2022 г.
Golden Compass компаниясы Құлан ауылының тұрғынына пәтер сыйлады
Жазғы демалыстың қызған шағында" Golden Compass " компаниясы төрт баланы жалғыз тәрбиелеп отырған Құлан ауылының тұрғыны Айнаш Мұратқызына пәтер сыйлады. Көпбалалы және аз қамтылған отбасы үшін бұл нағыз тосын сый болды.
29 жастағы Айнаш Мұратқызы ұзақ жылдар бойы ауданның әртүрлі жерлерінде тұрғын үй жалдап тұрды. "Асарлатып үй салу" жобасы аясында ол жергілікті әкімдікке көмек сұрады, оның өтінішінен кейін "Golden Compass" компаниясы Құлан ауылында құны 4,3 миллион теңге тұратын бір бөлмелі пәтерді сатып алып, материалдық көмек көрсетуге шешім қабылдады. Айта кету керек, ол өтініш бергеннен кейін бір апта ішінде Компания оған пәтер сыйлады.
